Maxfiylik siyosati

Oxirgi yangilanish: 2026-yil sentabr

Muhib AI (muhib-ai.onrender.com) — kichik bizneslarga Instagram profilini tahlil qilish, kontent-reja tuzish va postlarni joylashda yordam beradigan xizmat. Ushbu sahifa qanday ma'lumot to'planishi va nima uchun ishlatilishini tushuntiradi.

Qanday ma'lumot to'playmiz

• Akkaunt: ismingiz, telefon raqamingiz va parolingiz (parol shifrlangan holda saqlanadi).
• Siz kiritgan ma'lumotlar: biznesingiz haqidagi javoblar, yuklagan skrinshot va rasmlaringiz.
• Instagram ma'lumotlari (faqat siz Instagram'ni o'zingiz ulasangiz): profil nomi, obunachilar soni, postlaringiz va ularning statistikasi (ko'rishlar, layk, izohlar), obunachilarning umumlashtirilgan yoshi, shahri va jinsi. Instagram parolingizni biz ko'rmaymiz va saqlamaymiz.
• To'lov: Payme yoki Click orqali to'lov summasi va sanasi (karta ma'lumotlaringiz bizga kelmaydi).

Nima uchun ishlatamiz

• Profilingizni tahlil qilish, tavsiyalar, kontent-reja, post matnlari va rasmlarni tayyorlash uchun.
• Siz tasdiqlagan va vaqtini belgilagan postlarni Instagram hisobingizga joylash uchun. Siz tasdiqlamagan hech narsa joylanmaydi.
• To'lovni tekshirish va tarifni yoqish uchun.

Ma'lumotlaringizni sotmaymiz, reklama uchun boshqalarga bermaymiz va boshqa foydalanuvchilarga ko'rsatmaymiz.

Kimlarga uzatiladi

• Anthropic (Claude AI) — tahlil va matnlarni tayyorlash uchun.
• Higgsfield — post rasmlarini chizish uchun.
• Render — sayt joylashgan server.
• Meta (Instagram) — statistikani olish va siz tasdiqlagan postlarni joylash uchun.

Saqlash va o'chirish

Ma'lumotlar akkauntingiz faol bo'lgan davrda saqlanadi. Istalgan payt: Sozlamalar → Profilni o'chirish (profil, tahlil, postlar, rasmlar va Instagram ulanishi o'chadi) yoki Sozlamalar → Akkauntni o'chirish (hamma ma'lumotingiz o'chadi). Batafsil: Ma'lumotlarni o'chirish.

Bog'lanish

Savollar bo'yicha: sayt orqali. Xizmat egasi: YaTT Farxodov Muxibulloh Narimon o'g'li (ro'yxat raqami 5507614), Toshkent, O'zbekiston.